Bilaketak

Uztailak 30

Albistegiak

albistegiak@info7.com
Euskaraz
Gazteleraz
Albistegi Nagusia

Gaur gauean lehertuko da festa Lapurdiko hiriburuan. Jai giroa nagusituko da Baionako kaleetan eta Patxa plazan gazte asanbladak ekimen ezberdinak burutuko ditu datozen egunetan. Prestatu duten egitarauaz, eta Baionak laster izango duen gaztetxe berriaz mintzatu gara Unai Arkauz gazte asanbladako kidearekin.

Gaur Martin Mendizabalen laguntzarekin, PKK Kurdistango Langillen Alderdiak, berriki aditzera eman duen su-etenaren amaieraz mintzatu gara, baita Kurdistaneneko azken gertakariez ere. Turkiako Gobernuaren eta Estatu Islamikoaren arteko erlazioez ere hausnartu dugu.

Asteazkenero egiten dugun moduan Euskal Herriko lagun ezagun bati gure herrian bertan egiteko plan proposamena eskatu diogu. Itxaro Borda idazleak lasaitzeko, meditatzeko, edo berak dioen moduan “norberaren baitara itzultzeko” bost txoko proposatu dizkigu: Loiako Bahia, Argiñeta, Ogellak, Bardeak eta Santa Grazi.

“Mikel gogoan” herri ekimenak jaialdia antolatu du larunbat honetarako Aurizberrin. Egun osoko egitaraua prestatu dute Mikel Zabalza oroitu, justizia eskatu eta norabide honetan torturaren inguruan hainbat komunikabide eta eragile prestatzen ari diren Galdutako Objektuak dokumentala diruz laguntzeko.” Mikel gogoan” herri ekimeneko Ramontxorekin eta “Galdutako Objektuak” dokumentalaren ekoizpenean murgilduta dabilen Ahotsa.infoko Piturekin izan gara.

Oier Zuñiga eta Maialen Etxeberria izan ditugu gaurko tertulian. Lehenik Nafarroako Bardeetako tiro poligonoa izan dugu hizpide, pasa den astean turista bat balaz zauritua izan ostean. Mediterraneoan beste 13 etorkinen gorpuak aurkitu ostean, halako heriotzen inguruan mendebaldean dagoen jarreraz aritu gara ondoren eta azkenik nerabeek sare sozialekin duten harremanaz, eta balizko arazoez.

EHUko udako ikastaroen baitan bullying-aren inguruan hausnartu dute atzo hasi eta gaur amaitu den ikastaroan. Lorea Sarrionandia ikastaroaren arduradunetako batekin izan gara bullying-a zer den, erasotzaileen nahiz biktimen perfilak nolakoak diren eta halako egoeren aurrean zer egin behar den jakiteko.

Cuando se cumple un año desde que Israel masacrara Gaza causando más de 2.200 muertos hemos hablado con Isabel Perez periodista del estado español que reside en Gaza. Hemos analizado la situación política que se vive en Gaza, también en Palestina en general, así como la actitud de Israel y de Occidente. Según Perez “las invasiones imperialistas no ayudan a llevar una vida digna a los árabes en general, y a los palestinos en particular”.

Urtarrilean irten zen espetxetik Jone Lozano. Berarekin izan gara espetxe barruan bizitza nolakoa den ezagutzeko, nagusiki elikadurari erreparatuz.

« Aurreko saioak ::