Recherche

Abuztuak 03

Albistegiak

albistegiak@info7.com
Euskaraz
Gazteleraz
Albistegi Nagusia

BASKLINK Leire Agirrezabala Basklin plataforma digitaleko arduradunaren eskutik, Globos Estratos turismo-aktiboko enpresaren eskutik globo hegaldiaren ingurukoak ezagutu ditugu. Arabako Gesaltza herrian kokatuta dagoen Añanako gatzaga ezagutzeko gonbidapena ere luzatu digu.

Film, telesail eta ikus-entzunezkoen ingurukoak ekarriko dizkigu beste ostiral batez Gaizka Izagirrek. Lehenik, Donostiako Aste Nagusian Ondarretako hondartzan eskeiniko diren hiru film proiekzioez mintzatu zaigu eta ondoren Donostiako Zinemaldiaren inguruko azken berriak jorratu ditugu. Telesailei erreparatuz,”jumpilg the shark” terminoa azaldu digu Izagirrek, jarraian Bloodline telesaila gomendatzearekin batera. Eta amaitzeko bi film estreinaldi: Ted 2 eta The age of Adeline.

Astelehenean kanporatu zituzten Mexikotik, hiriburura, DFko aireportura iritsi bezain laster, Sortuko kide Asier Altuna eta Floren Aoiz. San Pauloko foroan parte hartzekoak ziren, baita Arnaldo Otegiren askatasuna eta euskal presoen etxeratzea eskatzen dituen nazioarteko kanpainari lotutako ekitaldi batean ere. Asier Altunak kanporatzearen ingurukoak kontatu dizkigu, baita bake prozesuaren alde Sortu nazioartean burutzen ari den lanaren garrantzia azpimarratu ere.

Mikel Ibargoien Info7 irratiko kolaboratzailea euskal diasporaren jai handian, Boisen dabil egunotan. Gazteaukerak antolaturiko lehiaketa bat irabazi eta Boiseko jaialdia zuzen zuzenean ari da bizitzen Ibargoien.

Karelean saioan ostegunero bidaiatzen dugu Erik Aznalen eskutik. Ameriketako Estatu Batuetan eta Kanadan lehenik, Errumanian ondoren eta aste honetan Mexikon barneratu gara

Gero eta anitzagoak dira gure herriak, eta aniztasuna aberasgarria delakoan, aurreiritzi eta estereotipoei aurre egin asmoz, kanpaina prestatu du Sakanako mankomunitateak. Begona Zestau Imigrazio Zerbitzuko arduradunarekin izan gara.

Jon Ordoñez Berria egunkariko kazetaria eta Izar Mendiguren Aiaraldea atariko kazetaria izango ditugu gaurko tertulian. Lehenik Cabakas auziko operatiboko nagusia, Jorge Aldekoa Ertzaintzako buru izendatzeko erabakiaz aritu gara. Ondoren, Sortuko kide Floren Aoiz eta Asier Altuna Mexikotik kanporatuak izan direla ekarri dugu gogora eta amaitzeko egunotan Ihado estatuan, Boisen, Ameriketako Estatu Batuetako euskaldunak biltzen dituen bost urteroko hitzorduari erreparatu diogu.

Erik Rios Pasaiako EAJko zinegotziak dimisioa aurkeztu du, alkatearen soldata %35 igo ostean. PSE eta EAJko babestu duten soldata igoerarekin ez dago ados. Halaber, ez du gustuko bere alderdiak eta alderdi sozialistak lortu duten akordio orokorra.

« Aurreko saioak ::