Bilaketak

Kale Gorrian

RSS-Podcast

aa

Albaolako itsas kultur faktoriako txoko guztiak igaro ostean merezi du amaierara iristeak, Estalpea zapaltzeak. Bertan ari dira eraikitzen XVI. mendeko San Juan Baleontziaren erreplika. Astez aste forma hartzen ari den ontzia da. Xabier Agote lehendakaria gerturatu da gurera alaba txikia bezala duenari miresmenezko begirada egitera.

Ziburuko Piarres Larzabal Kolegioa, Albaolarekin batera, proiektu komun bat aurrera eramaten ari dira.

Itsas kultur faktoria izena jarri izana ez da kasualitatea. Izan ere, Albaola lanerako gunea da eta San Juan Baleontziaren erreplika eraikitzen ari diren arotzak bertan ari dira lanean eta gerturatzen denak zuzenean ikus ditzake. Profesional, boluntario eta praktiketan ari diren ikasleak aritzen dira tailerrean. Bertako arduradun Markos Sistiaga gerturatu da gurera.

Albaolako arotzak lanean ari diren tailerra kultur ekimenen plaza ere bada. Izan ere, tailerra Itsas Antzoki ere bihurtzen dute, horrela, kultur ekimen desberdinez gozatu ahal izateko (kontzertu, bertso saio, hitzaldi…) Herme Pedrosok eman dizkigu xehetasunak.

Albaola itsas kultur faktoriaren azpi aldean dagoen erakusketan ederki asko sartu gaitezke bertako unibertsoan. Itsan ondarean historia, San Juan Baleontziaren aurkikuntza eta ikerkuntza, ontzigintzaren hornigaiez, besteak beste, asko ikasi daiteke. Mikel Leoz erakusketako arduradunarekin egin dugu bisita guk.

Bisita gidatu bidez eman ditugu Albaola itsas kultur faktoriako xehetasunak. Sarreran kokatu gara lehenik eta bertako langile eta gidari Alain Larrayak eman dizkigu xehetasunak: nola gerturatu daitekeen Albaolara, ze ordutegi, egutegi eta prezio dituzten.

la fotoPasaiako Albaolatik Kale Gorrian saioa zuzenean egin dugu: elkarrizketak, tertuliak…

Bisita berezia jaso dugu Pasaiako Albolan, Olentzero bertaratu zaigu eta ez edozein Olentzero, kubatarra baizik! Kuban zein Sakanan dituela jatorriak eta Sakanako ikazkinen artean lanean ibilitakoa dela esan digu, ontzigintzara bideratzen zen egurraren soberakinetatik egiten zuela lan. Opariak eta “desopariak” banatzeko prest etorri dela ere aipatu digu, baina batik bat gerriak dantzan jartzeko gogoz!

« Aurreko berriak ::