Bilaketak

Aisia

RSS-Podcast

aa

Berbena belarraren onuren inguruan aritu zaigu gaur Nekane, ekainan leku askotan aurkituko baitugu, diotenez San Juanetan du magia gehien Berbenak. Tradizio handiko belarra da, infekzioak eta zikinkeriak kanporatzeko belarra da. Baina neurriz erabili behar da ere, besteak beste, 7 eguneko deskantsua eskatzen duen belarra baita. Ohikoena da enplastuak egitea, baina badira berbena belarra erabitlzeko modu gehiago ere. Hemen, Nekaneren proposeman.

Nepaleko lurrikara gertutik bizitu zuen Pipasek, bertan zen, mendian. Kontatu digu nola lurrak dardar egin zuen lehendabizi, ahutsa gero,ixiltasuna eta negarrak ondoren.  Baina nola bizitu zituzten hurrengo orduak?Zein izan zen enbaxadek hartu zuten jarrera? Nola jokatu zuen Parisko Gobernuak? Kritiko agertu da Pipas Larrandaburu. Orain Euskal Herrian da, jakitun da Nepalek laguntza handia behar duela, horregatik, dirua lortzeko elkartasun kontzertu bat egingo dute datorren ekainaren 12an Atharratzen.

Zientzia-fikzioa badirudi ere gero eta gertuago dago gure informazio genetikoa gure sakelakoan izatea. Badaude profil genetikoa eskuragarri jartzen duten enpresak eta gero eta errazagoa izango da informazio hori eskuratzea. Honek medikuntza pertsonalizatuari bultzada eman diezaioke baina arriskuak ere egon badaude.

Senda belarren inguruan aritzen da Nekane Martiarena, gaur pareta-belarraren inguruan aritu zaigu. Izenak dioen bezala, zelai handietan inoiz aurkituko ez dugun belarra,  gibela garbitzeko erabiltzen da, baita erredura ttikiak sendatzeko…. Infusioan edota beste modutan erabil daiteke, Nekane Martiarenak xehetasun guztiak azaldu dizkigu.

Nepal herrialde ederra! Nepal herrialde txiroa! Nepal herrialde suntsitua! Bigarren lurrikarak Nepal hunkitu duen egunean, Andoni Arabaolazak, lehen lurrikararekin nazioartean sortu zen diru eskatze kanpainaren inguruko kezkak eta galderak azaldu dizkigu

Durangoaldea ezagutzeko aukera eman digu gaur Antxon Iturrizak. Untzillatx mendira igotzeko proposamena luzatu digu. Mañariatik gertu dago 924 metro garaiko totontorra. Pena merezi duela esan digu, batez ere bista ederrak dituelako!Beraz aukera polita, Iturrizaren azalpenak jarraituz gero, erraz iritsiko zara!

Aztoratu egin da Andoni, lagun batek zera esaterakoan “A ze potroak Alex Txikonenak, a ze marka”, eta hortik abiatu du bere gaurko  Talaiatik. Orokorrean, jendarteak miresten baitute mendian ezinezkoak diren erronka egiten dituztenak, enbidia edo? Miretsi eta enbidia. Urtikaria sortzen duten bi hitz dira Andonirentzat. Alex Txikon saiatu da, bikain gainera…baina hori egiteagatik miresmena? Miresmena, futbolariei eta politikariei? Eta zer gertatzen da justizia sozialaren alde bolondres lan egiten dutenekin? Horiei zer?

Orain da aukera zoldabelarra sendabelarra aurkitzeko, itzaletan dagoen edozein maldaxkatan aurkituko duzu. Euskal Herrian aspaldian ezaguna da eta aspaldi erabiltzen da senda belar moduan. Izenak berak dioen moduan soldatzeko, zauriak ixteko balio du belar honek. Zelulen haziera bizkortzen du. Normalean, eta bereziki, kanpo erabilera da gehien egiten dena landare honekin. Barru erabileran, kontu handiarekin erabili behar da. Egokiena dakien pertsona batek aholkatuta eta tratamendu laburrak egitea litzateke. Gehiago jakin nahi baduzu entzun Nekane Mariarenaren Talaiatik.

« Aurreko berriak ::